20-րդ «Երեւանյան հեռանկարները» կմեկնարկի հանրահայտ «The Swingles» վոկալ խմբի համերգով

Ապրիլի 29-ին «Արամ Խաչատրյան» համերգասրահում բրիտանական «The Swingles» լեգենդար վոկալ խմբի համերգով կազդարարվի «Երեւանյան հեռանկարներ» միջազգային երաժշտական փառատոնի հոբելյանական տարվա մեկնարկը:

Հիսուն տարվա պատմություն եւ հինգ Գրեմմի մրցանակ ունեցող խումբը ձեւավորվել է Փարիզում` Ուորդ Սվինգլի կողմից: Առաջին «Սվինգլները»` էստրադային երգիչները, աշխատել են Շառլ Ազնավուրի, Էդիտ Պիաֆի եւ Միշել Լեգրանի հետ, նրանց մեջ էր նաեւ վերջինիս քույրը` Քրիստին Լեգրանը:

2

Խմբին համաշխարհային ճանաչում է բերել 1960 թվականին թողարկված Յոհան Սեբաստիան Բախի ստեղծագործությունների փոխադրումը ութ ձայների համար: «Սվինգլների» նորարարական եւ վիրտուոզ երգեցողությանը անմիջապես հիացական արձագանքներ ուղղեցին Էլլա Ֆիցջերալդը, Եհուդի Մենուհինը, մեծանուն այլ երաժիշտներ:

Երեւանում խումբը հանդես կգա Look Back (ForWard) ծրագրով, որը հետհայացք է «Սվինգլ»-ի հիսունամյա փառահեղ երաժշտական պատմությանը: Այն ներառում է 60-ականների եւ 70-ականների երգիչ-երգահանների ստեղծագործություններ, մերօրյա բրիտանական ֆավորիտներ, Բախ, Սայմըն եւ Գարֆունկել, Բիթլզ եւ ավելին:

Այսօր խմբի կազմում ընդգրկված են յոթ երգիչներ` Մեծ Բրիտանիայից, Միացյալ Նահանգներից, Կանադայից եւ Գերմանիայից:
https://bravo.am/news/20_%D6%80%D5%A4__%D4%B5%D6%80%D5%A5%D6%82%D5%A1%D5%B6%D5%B5%D5%A1%D5%B6_%D5%B0%D5%A5%D5%BC%D5%A1%D5%B6%D5%AF%D5%A1%D6%80%D5%B6%D5%A5%D6%80%D5%A8__%D5%AF%D5%B4%D5%A5%D5%AF%D5%B6%D5%A1%D6%80%D5%AF%D5%AB_%D5%B0%D5%A1%D5%B6%D6%80%D5%A1%D5%B0%D5%A1%D5%B5%D5%BF__The_Swingles__%D5%BE%D5%B8%D5%AF%D5%A1%D5%AC_%D5%AD%D5%B4%D5%A2%D5%AB_%D5%B0%D5%A1%D5%B4%D5%A5%D6%80%D5%A3%D5%B8%D5%BE_29155

Be the first to comment on "20-րդ «Երեւանյան հեռանկարները» կմեկնարկի հանրահայտ «The Swingles» վոկալ խմբի համերգով"

Leave a comment

Your email address will not be published.


*


ԴԻՏԵԼ